انا في البعد هدعيلك
تحققي كل احلامك
وتنسي حبي وحكايته
وتنسي صورتي في خيالك
وتنسي مين اللي كان حبك
وساب الدنيا علشانك
وداس على قلبه وعلى حبه
وضحى بيكي علشانك
انا في البعد هدعيلك
ينور بيكي ايامك
وهدعي لقلبي وعيوني
تكوني ليا في منامي
وادعي ربي اكون ذكرى
تفتكريها في منامك....
انا في البعد هدعيلك
وهدعي لنفسي وياكي
واقول يارب صبرني
واقول يارب انساكي
طب انسى ازاي وانا هي
وهي بتسري في كياني
ولو غمضت انا عنيا
ابص الاقيها قدامي
وفجأة تبقي كل الناس
وتبقى الدنيا في جمالك
واصحى على ألم مجنون
يقولي بس ده خيالك
صورتها شيلها من عينيك
انا بس اللي بقيلك
وانا برده اللي هدعيلك
تكون في البعد واييايا
واقدر امشي واسيبك
ويكون لعذابك ده نهاية
وتنساها وتنساني
وترجع تبتسم تاني
انا بالبعد بدعيلك
موضوع: انا في البعد هدعيلك 
الخميس 01 أكتوبر 2009, 13:06
