كوسة ..!!!!

للكوسه في بلادي شئون
و منها بقيت مجنــــــــــون
بتخلي المسنود فرعون
يتفرعن فين مهما يكون

وتخلي الجاهل أستاذ
والأعرج لاعب جمباز


وتخلي الأحول هداف
والكوره الآوت ف الجون
للكوسه ف بلادي شئون


لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون


أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون


ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون


ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون


وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون


ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون


ولو انت بتعرف فرّان
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون


ولو انت زميل الحلاق
راح تحلق اولها زبون


وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون


لكن لو شاعر غلبان
قلت اللي ف نفسك علطول
حيقولو مين قال لك قول
ويهاجمك مليون إنسان
.للكوسه في بلادي شئون
و خلاص بقيت مجنون
من الكوسه و المتكوسون

كنت بحب الكوسه و لسه بحبها و خصوصا مع اللحمه
قشطه ههههههههههههههههههههه يا رب تعجبكم

ااحمد ياسر كلماتك زبالة من وراها انعدمت الكوسه

ولا هتودينا فداهية يخرب بيتك
سياسة سياسة سياسة !!!!!!!!!!!
امسك سياسي
ههههههههههه


مشكورو عالتوبيك

هههههههههههههههههههههه لا بس بجد ايه رأيك في الكوسة ههههههههههههههههههههه ولكم يا مان منور التوبيك

لا كوسة مخبورة صح صح يعني
مشكور عالتوبيك

وبعدين يا واد يا احمد قاسم ( potpx ) ملكش دعوة دي كوسة بالقشطة طول ما انا الي بكتب عن الكوسه هههههههههههههههه

يععععععععععععععععععععععععععععععععععععععععععع


الله يا خدك ويقرفك

اوعى تجيب سيره الكوسه دي على لسانك عشان انا مش بطيقها
ولا هبطل امشي معاك اصلا


بس كلامك روووعه
تسلم يا جامد وميرسي ليك يا متكوس

هههههههههههههههههههههههههههههههههههه

هههههههههههههههههه جاتك .... انت عارف ايه طبعا ههههههههههههههههه انا والله بكره الكوسة دي مووووووووووووت بس انا كل غرضي اني اعبر عن الفوضة مش اكتر ....
اشكرك على مرورك يا ميمو
منور التوبيك