تخوّفني مشاويـر الطريـق المظلـم المهجـور
وانا لا من ذكرتـك قلـت طولـي يامشاويـري
عزاي إنّك رجاي العذب لو كلّ الدروب عثـور
وصلت أوما وصلت أعرفك ما انته منتظر غيري
حبيبـي ..وكّـل الله لاتحسّبنـي بليـد شعـور
لو إنت المستحيل الصعب ما أبدي لك معاذيـري
أحبّك .. لو يموت الحبّ وتصير القلوب قبـور
أشوف الجرح يكبر وإنت تكبر وسـط تفكيـري
أحبّك من هنا حتّى طلوع الفجـر حتّـى النـور
صحيح إنّك قدر محتوم بـس أجمـل مقاديـري
احد ربي يحطك له حبيـب ومايجيـه غـرور؟
أنا ليـه التفـت للنـاس وعيونـك جماهيـري
هلا بك من قِدْمَك ... لغرتك لي شعرك المنثـور
هلا في كلّ شيٍ فيك وانـت أغلـي مساييـري
ترى صدق الغلا يجبر حطام الخاطـر المكسـور
وانا مهما منحتك من غلاي أشعـر بتقصيـري
ولو طالت مشاوير الطريـق المظلـم المهجـور
انا لا من ذكرتـك قلـت طولـي يامشاويـري
وسلامـــــــــــــــــــتكم
موضوع: أحبّك من هنا حتّى طلوع الفجـر حتّـى النـور 
الخميس 28 فبراير 2008, 03:51
